“Kristal apurtuen gaua” faxismo, sexismo, diskriminazio eta arrazakeriaren kontrako nazioarteko eguna izango da bihar, ostirala, Bilbon. Arratsaldean elkarretaratzea antolatu dute eta bideo emanaldia egongo da gai guzti horiek landuz. Zoritxarrez faxismoa, sexismoa, diskriminazioa eta arrazakeria eguneroko errealitatea dira oraindik ere. Gauzak horrela, azaroaren 9an, jokabide horien kontrako nazioarteko eguna izango da, “Kristal apurtuen gaua”.
18:00etan, bideo emanaldia eskainiko dute Komite Internazionalistak elkartearen egoitzan, Gatazkan, Erronda kaleko 12. zenbakian. Bertan, “Kristal apurtuen gaua” filma egongo da ikusgai.
Jarraian, 19:30ean elkarretaratzea deitu dute Arriagako plazan faxismoaren arrazakeriaren eta xenofobiaren kontrako deia zabaltzeko.
